Fa’amatalaga mo tagata palota

O lau tiketi lea ua auina atu e fesoasoani ai mo le fa’atūlāgā’ina  o le lumana’i o Tāmaki Makaurau. O lou avanoa lenei e te filifili ai i sui mai Aukilani e faia fa’ai’ūga tāua mo oe ma lou itumalo.

O le a le tofi o le a ou palota I ai? 

E tolu itū’aiga tofi filifilia e te palota i ai

O le pulenu’u o Aukilani na te ta’ita’ia le au fai tonu o Aukilani ma e filifilia e tagata palota uma lava.

O sui faufautua a se pitonu’u e filifili mai i pitonu’u e 13 e atoa iai le  aofa’iga o le itumalo o Aukilani. E tusa ai ma le nofoaga o le pitonu’u o lo’o e ‘alālā ai, e mafai ona e palota mo ni sui faufautua se to’alua. O le a fa’atasia ai le pulenu’u ma sui faufautua o lo o atoa iai le Vaega Pule e puleaina ma fai fa’ai’uga mo tagata nu’u o Aukilani lautele.

O komiti fa’afoe fa’alōtoifale e faia fa’ai’ūga i mea e fai ma fuafuaga a le itumalo e tā’itā’ia ma fausia ai ni itumalo malolosi mai i komiti tutotonu e 21 i a’ai o i totonu o pitonu’u i Aukilani. E fai foi ma lō latou sao fa’akomiti tutotonu i tu’utu’uga ma fuafuaga mo Aukilani lautele. E tusa ma le lima i le sefulu ma le tasi sui mai i le komiti fa’afoe fa’alotoifale e tasi, ma e fa’alagolago foi i le tēlē o le a’ai.

O nisi o eria a tonu e mana’omia ni tagata palota e filifilia sui usufono mo le laiseneina fa’atuatuaina o mavaega. E mafua lenei tulaga ona o le va’avā’aia lea o le fa’atauina o le ‘ava malosi e ala atu i so’o se nofoaga i totonu o le eria fa’atuatuaina e mavaega, , ma filifili ai le toe fa’afo’ina mai o tupe fa’asili i le itumalo. 

O AI O LE A TULA’I E FAI MA SUI 

Ta’iala mo palota 

• O au pepa palota ua mo nā o oe lava - e tusa ai ma le tulafono e lē fa’atagaina se tasi na te fa’atumuina, soloia po o le fa’aleaogaina o pepa palota a se tasi tagata
• A le lelei lau va’ai, le mafai ona faitau ma tusitusi, po o se fa’afitauli foi tau i le gagana fa’aperetania, e mafai ona e fesili i se tasi na te makaina au pepa palota po o le talosaga  foi mo se fesoasoani i lou fa’afeso’otai lea ole ofisa o palota. (Fa’amatalaga o lo’o i lalo).
• Afai e te lē mautinoa le mea e tatau ona fai, telefoni le ofisa o palota mo se fesoasoani 09 393 9384 po o le 0800 922 822