Ngā mōhiohio mā ngā kaipōti

Kei roto ko tō tīkiti hei āwhina ki te whakairo i te anamata o Tāmaki Makaurau. Koinei te wā mōu ki te kōwhiri i ngā māngai o Tāmaki Makaurau hei whakatau tikanga hira mōu me tō hapori

He aha ngā tūranga e pōtihia ana eau 

E toru ngā momo mema hei pōti.

Ko te Koromatua (Mayor) o Tāmaki Makaurau te kaiārahi o Te Kaunihera o Tāmaki Makaurau, ā, ka pōtihia ia e ngā kaipōti katoa.

Pōttihia ai ngā kaikaunihera o ngā rohe pōti (Ward councillors) mai i ngā rohe pōti 13 o te rohe o Tāmaki Makaurau. E ai kite rohe pōti e noho ana koe, ka āhei koe ki te pōti mo ngā kaikaunihera kotahi, e rua rānei. Huihui katoa, ka noho ko te koromatua me ngā kaikaunihera o ngā rohe hei Poari Whakahaere, ā, ka whakatau tikanga mō ngā tāngata o Tāmaki Makaurau.

Ko tā ngā poari hapori (local boards) he whakatau tikanga mō ngā mahi me ngā whakanōhanga me te ārahi kia kaha te tipu o ngā hapori mai i ngā takiwā poari hapori 21 i roto i ngā rohe pōti o Tāmaki Makaurau. Ka tuku hoki rātou i ngā whakaaro ā-hapori ki ngā rautaki me ngā mahere mō te rohe whānui. E rima ki te 11 ngā mema mō ia poari, e ai kite nui o te takiwā.

Me pōti hoki ngā kaipōti o ētahi takiwā ki te kōwhiri i ngā mema mō tētahi tarahiti tuku raihana. Ko te kaupapa o ēnei he whakahaere i te hoko waipiro i roto i te rohe tarahiti me te whakarite me pēhea te whakahoki i ngā toenga monihua ki te hapori.

Ko wai kei te tū mō te pōtitanga 

Matawaia tēnei waehere QR mā tō kāmera waea hei rapu mōhio anō mō ngā kaitono. Kei runga i tō pepa pōti ngā rārangi o ngā kaitono katoa, ā, kei roto i tēnei pukaiti ko ngā mōhiohio mō rātou me ā rātou kaupapahere me konei hoki

voteauckland.co.nz/candidates

Ngā aratohu pōti 

• Māu anake tō pepa pōti - i raro i te ture kāore tētahi atu e āhei ana ki te whakaoti, te whakakino, te takakino rānei i te pepa pōti a tētahi atu.
• Mēnā kāore i te pai tō kite, he uaua rānei ki a koe te pānui, te tuhi, te kōrero lngarihi rānei, ka taea e koe te tono āwhina i tētahi atu ki te māka i tō pepa pōti, me tono āwhina rānei mā te waea atu ki te Tari Pōtitanga (tirohia ngā taipitopito i raro).

Me mātua tae atu tō pepa pōti i mua o te 12 karaka i te ahiahi, ā te Rāhoroi 11 o Oketopa 2025. Me heri atu i tō pōti ki te whare pukapuka tūtata, ngā hokomaha whai wāhi mai, mō ētahi atu wāhi i Tāmaki Makaurau, haere ki: voteauckland.co.nz/wheretovote

• Kaua e whakaurua mai te pepa pōti a tētahi atu ki roto i tō kōpaki
• Mēnā kāore koe i te tino mārama me aha koe, waea atu kite Tari Pōtitanga i 09 393 9384, i 0800 922 822 rānei.
• Tirohia ēnei tohutohu i ētahi atu reo i voteauckland.co.nz/voterinstructions, matawai rānei ki tēnei waehere QR mā tō kāmera waea.